拍片一定要知，香港5大取景地方！

成日都聽到人講「香港真係好靚」，即刻同你介紹拍片一定要知嘅好靚又免費嘅取景地方！

‍

1. 必列者士街

經常出現喺各大電影「紅磚屋」就係位於必列者士街，呢度嘅建築融合咗中西風格，猶如置身於英國街頭，要嚟拍攝復古風格嘅場面係一個唔錯嘅選擇！

‍

2. 山頂公園

山頂公園可以俯瞰到維多利亞港全景，加上寬闊嘅草地，無論以落日黃昏或者藍天白雲做背景，都一樣浪漫醉人，特別適合拍攝結婚場面。

‍

3. 石澳情人橋

石澳情人橋又稱為藍橋，粉藍色嘅夢幻色彩充滿住歐陸風情，唔少情侶都特登嚟呢到影相，嚟呢度幫愛情作品取景一流！

‍

4. 浩和街

位於屯赤隧道有香港版邁亞密之稱嘅浩和街係近年新興嘅打卡點，擁有超長嘅沿海堤壩、充滿熱帶風情嘅棕櫚樹同無敵大海景，扮自己喺美國可能都真係有人信㗎！

‍

5. 鯉魚門石礦場

位於油塘嘅鯉魚門石礦場，只要喺港鐵站行大約20分鐘就可以到達，呢度唔止地方夠晒空曠，仲有一大片盧葦草，畀人頹廢神秘嘅感覺。