原來寫Video Brief 都有秘訣？

一個好嘅video brief，可以令你同製作團隊有更好嘅溝通，仲可以提高自己嘅工作效率！即刻睇下寫video brief有咩秘訣:

‍

1.了解你的目標受眾

喺寫Video Brief之前，你需要了解你嘅目標受眾，以確定你嘅影片風格、內容同語調。例如如果你嘅目標受眾係年輕人，你條片嘅用語就可能需要貼地啲，並使用流行嘅音樂同時尚嘅視覺效果，以吸引目標受眾嘅注意力。

2.明確的目標和目的

喺Video Brief入面，你需要清楚知道自己嘅目標同條片嘅目的，你想要達到咩？你嘅目的係咩？你係想宣傳產品定服務？你係想增加銷售額定係提高品牌知名度？

3.確定影片核心訊息

你需要確定你條片嘅核心訊息，清楚知道自己想傳達乜嘢訊息俾觀眾。如果你有多過一個想表達嘅訊息，你需要確保佢哋之間可以互相配合到，而唔會令到條片太累贅。

4.提供參考影片和圖像

有時候，一條reference勝過千言萬語，因為每個人嘅想像力都唔同，而文字又未必可以完全表達到心目中嘅想法，所以提供參考影片同圖像，係絕對可以幫助你嘅製作團隊更加了解你嘅想法同期望。

5.預算和時間

喺Video Brief入面，你需要明確咁列出你嘅預算同時間，呢個有助於確定你嘅製作團隊可以為你提供點樣嘅服務同產品。如果你有一個緊迫嘅timeline，更加需要喺入面列明你嘅時間要求，特別係deadline，以確保製作團隊可以按時完成。